Pedidos

Os pedidos serán a través de cestas pechadas ca verdura de tempada.O funcionamento será a través de subscrición:

Funcionaremos cunha conta monedero. Cada cliente carga a súa conta co importe que escolla, e recibe un envío cada 15 días de forma automática. Como veredes, canto máis recarga, mellores prezos:

• Carga 50€: 2,5% de desconto sobre o prezo.
• Carga de 100€: 5% de desconto sobre o prezo.

As compras ou pedidos feitos antes das 15h de cada martes serán procesadas para entregar ese mesmo mércores se coincide ca zona de reparto desa semana, en caso contrario a entrega sería para a seguinte semana, polo que poden aparecer pequenos cambios nas características das cestas.

Para subscribirse vai ao formulario do final desta páxina.

¿Como funciona a conta de saldo?

1.-Escolles as cargas de cartos preestablecidas: 50€ ou 100€.

2.-Fas o pagamento:

• Fas unha transferencia ao noso número de conta:ES88 0081 0499 6100 0205 2916. Beneficiario: Entrelampo.
• Ou pagas en efectivo a carga escollida cando recibas a primeira cesta.

Cada vez que recibas unha cesta enviaremos unha mensaxe co teu saldo actualizado. Cando non teñas saldo para as seguintes cestas poderás recargar a conta ou solicitar os euriños que resten. Recibirás cestas ata que quedes sen saldo suficiente, funcionamos a modo “subscrición”, non é posible deixar de recibir cestas salvo causa maior, é un COMPROMISO entre produtora e consumidora.

Zonas de Entrega

No inicio daremos prioridade a entrega en Santiago de Compostela, Bertamirans e Milladoiro e en segundo lugar a concellos limítrofes. As solicitudes fora da área de influencia quedarán nunha listaxe de agarda esperando a que aumente a rede de consumo na zona en cuestión, se tes dúbidas sobre a túa zona contacta con nós a través de entrelampo@entrelampo.com. Por suposto, tamén podedes pasar a recollelas a Marrozos, previo aviso. Lembrade que o voso lugar de traballo pode ser unha boa opción de entrega, e ademais podedes facer grupo de consumo!

As entregas serán en horario de tarde, os mércores. Nos casos dos grupos de consumo (mínimo 5 cestas) cun único punto de entrega facilitaríase o envío de mañá incluindo lúns.

E, se non estou na casa? Levamos un ano funcionando e non tivemos problemas nese sentido. Chamamos a outras veciñas do portal para deixar a cesta diante da túa porta, deixamos a cesta en algún lugar que indiques da túa casa, e incluso podemos deixala en algún local de confianza da túa rúa.

O Produto

Como comentamos, as cestas serán elaboradas ca verdura de tempada de cada momento, recollida no mesmo día da entrega.

Nesta tempada de primavera-verán teremos chícharo, leituga, cabaciño, cogombro, brécol, tomate, tomate negro de Santiago, xudía, bimi, kale, acelga, verza, remolacha, patata, cebola, porro, espinaca… A nosa intención será ir diversificando a produción cada ano, contando cas vosas suxestión, preferencias,…

Na nosa explotación empregamos prácticas sostibles e respetuosas co medioambiente, ca intención de certificarnos a través do CRAEGA no 2023. Actualmente estamos en “fase de conversión”.

Cestas do Mes

Semana 23 de xaneiro

Os prezos inclúen IVE (0%) e entrega.

Pesos orientativos. Se algún produto non o temos dispoñible, sustituirase por outro.

ÚNETE Á REDE OU MERCA A TÚA PRIMEIRA CESTA!

Se queres empezar a desfrutar das nosas verduras envía o seguinte formulario e xa nos poñemos en contacto contigo para tramitar a túa primeira entrega!